Dabba

Ghar ke ek kone me aaj bhi rakha hai wo. wahi jo un dino ijjat se desktop ya pc ya computer kehlaya jaata tha, lekin jise aaj hum dabba kehte hain. un dino jab kisi k ghar pc aata tha to sab pehle puchte the '' assembled ha ya company ka hai compaq wompaq''...haha..'' assembled hai 256 MB RAM, 40 GB harddisk, pentium 4, 1.3 GHz processor'' aur haan '' wo mujhe gaming ka shok hai na to mene graphics card bhi lagwaya hai''...mere phone k specs isse jyada hain aaj..

aaj ye pic dekhi to yaad aa gyi dabbe ki..

Kamre me wo kis jagah, kis orientation me rkha jayega ye decide karta hai ki aapke room me darwaja kis taraf hai, kyunki rakha use darwaje k exact saamne jana chaiye, aisa ghar walon ka maan na hota tha, kyunki aap to dabbe pe kuch bhi kar sakte ho. kyunki wo to padhai support karne k liye laaya gya h na...us pe to aapne C k programs banane hain..painting karni hai..typing tutor chalana hai...aapka exam ka result dekhna hai..padosi ka exam ka result dekhna hai...hehe...

History...jab ek din pata chala tha history bhi to delete kar sakte hain..aankhen khul gyi thi...fir to me kuch bhi kar sakta tha..tab shayad incognito mode nhi aaya karta tha.. wo to wo din the jab jet audio and winamp aaya karte the...windows media player me visualisation chalana cool maana jata tha...antivirus me Mcafee hua krta tha...games me Roadrash, Alladin, Dave hote the..doston se saaman CD me liya jaata tha...floppy disk to tab bhi outdated ho gyi thi

Fir thoda time beeta to pata chal duniya me roadrash, Vcop2 se uth kar bhi game hote hain...NFS tab bhi aaya karta tha...NFS 2..bhokal game hua karta tha wo...wo excitement jo hoti thi, school ke baad dost se CD leke aane ki, apne dabbe me shiddat se game install karne ki, pehli baar chala kar check karne ki kahin atak to nhi rha...that used to be priceless...tab pata nhi kyu ek baar me game install hote bhi nhi the, aur atakte bhi bhot the,  jis dost ne CD di hoti thi use gaali jarur padti thi.

Fir ek ke baad ek game aate gye mission wale, racing wale, strategy wale...GTA vice city, GTA san andreas, IGI, IGI 2..jab tak missions hote jaate the din achche beet te the...magar kai baar game progress atak jaaya karti thi...dukh ka sabab ban jaata tha wo...tab to itna fast net tha nhi ki youtube pe dekh liya ki kaise mission paar karna hai...dosto se puchna padta tha, ki pehle kis ko maarna hai fir konsi bandook leni hai...haha cheat codes bhi hua karte the...PANZER, FANNYMAGNET, NUTTERTOOLS, ASPIRINE

Tab tak hum wese bhi itne nalayak ho chuke the ki ab farak nhi padta tha ki dabba darwaje ke saamne rakha hai ya duniyabhar ke saamne...

RAM badhwa li hai aaj uski...bhot jarurat thi usko...magar OS to abi bhi XP hi chal sakta hai...

kaafi yaadein de di dabbe ne..

Pata Nhi Kab Bade Ho Gye

abi kal hi to, yaad hai mujhe....pehli baar daant khaayi thi badi didi ki chote number me se bade ko ghata dene k liye...haha...ha fir uske samjhane pe haan haan bhi kar di thi...lekin samajh nhi aayi thi....baad me fir ghata diya tha...haha....fir uske baad to ghataya bhi, badhaya bhi, derive bhi kiya, integrate bhi kiya, area bhi nikala, volume bhi nikala....fir package me se in hand bhi nikala....tax se bachne k liye bhi calculation ki....bhot calculate kar gye tab se....pata nhi kab bade ho gye

pata nhi ye hum kab bade ho gye....abi kal ki hi to baat hai jab pehli baar mummy k sath hindi k aksharon ko jod k padhna seekha tha, fir to bas champak, chacha chaudhary, maano ek nayi duniya  ujagar ho gyi thi...fir tabse hum padhe hi ja rhe hain....pehli, dusri, teesri, .....paanchvi.....dasvi....college...shayad aage bhi...ruke hi nahi...pata nhi kab badhe ho gye

abi kal hi to, wo choti cycle side wheels wali, chalaya karte tha...fir ek din papa ne side wheels hata diye the aur bola tha ''mene pakda hua hai peeche se'', magar unhone kab choda aur mene kab balance banana seekh liya tha pata nhi chala tha....tab se balance banate aa rhe hain....kabhi papa k bheje huye paise aur mahine ke kharche me....kabhi naukri karne me aur ghar jaane me....kabhi mobile me....kabhi bank me...pata nhi kab bade ho gye...

abi kal hi to pehla dost banaya tha, kal hi to doston ko ghar pe bula k birthday manaya tha...tab se aajtak to najane doaton k sath kya kya aur kesi kesi cheeze seekhi.....bday me party dene se party lene lag gye....gift dene k bajay unki lene lag gye...hum pata nhi kab bade ho gye

najane kyu bade go gye...